Xalq deputatlari Chilonzor tuman Kengashidagi O‘zbekiston Xalq demokratik partiyasi deputatlik guruhi tomonidan O‘zbekiston Respublikasi Oliy Majlisi Qonunchilik palatasi, Qoraqalpog‘iston Respublikasi Jo‘qorg‘i Kengesi hamda xalq deputatlari viloyat, tuman va shahar Kengashlariga 2024-yilda bo‘lib o‘tgan saylovlar uchun qabul qilingan O‘zbekiston Xalq demokratik partiyasining Saylovoldi dasturida belgilangan vazifalar ijrosi yuzasidan muhokama yig‘ilishi o‘tkazildi.

Mazkur dasturning “Ijtimoiy yo‘naltirilgan bozor iqtisodiyoti – kuchli ijtimoiy siyosatning asosidir” deb nomlangan VI bobi hamda “Iqtisodiyotda davlatning faol roli va ishtirokini saqlab qolish, kambag‘allikni qisqartirish, soliq qonunchiligini takomillashtirish va bank-kredit sohasini rivojlantirish”ga oid 11-qadamda belgilangan vazifalardan kelib chiqqan holda, tuman soliq inspeksiyasi rahbarining “Mahalliy budjet daromadlari bajarilishi holati, qo‘shimcha rezervlarni aniqlash bo‘yicha amalga oshirilgan ishlar, soliqlar va boshqa majburiy to‘lovlar kesimida budjetga hisoblangan hamda amalda to‘langan mablag‘lar, shuningdek, ular bo‘yicha mavjud soliq qarzdorligi to‘g‘risida”gi 2026-yil I chorak yakuni bo‘yicha hisoboti atroflicha muhokama qilindi.

Muhokama jarayonida mahalliy budjet daromadlarining ijrosi, qo‘shimcha tushum manbalarini aniqlash bo‘yicha ko‘rilgan chora-tadbirlar, soliq tushumlari samaradorligi, budjetga to‘lov intizomi hamda soliq qarzdorligini qisqartirish yuzasidan amalga oshirilayotgan ishlar bo‘yicha tegishli taklif va mulohazalar bildirildi.

Yig‘ilish yakunida mazkur masalani xalq deputatlari Chilonzor tuman Kengashi sessiyasi kun tartibiga kiritish uchun belgilangan tartibda Kengash Kotibiyati orqali Kengash muhokamasiga olib chiqish yuzasidan tavsiya berildi.