Xalıq deputatları Bozataw rayonlıq Keńesi, 5-“Tórtkul” saylaw okrugi (ÓzMTD) saylanǵan deputat K.Nurmanov tárepinen "E-Keńes" elektron platformasında ámelge asırılıp atırǵan jumıslar hám puqaralardan kelip túsken múrájatlar menen tanıstı. 

Úyreniw procesinde múrájatlardıń óz waqtında kórip shıǵılıwı, orınlaw tártibi, juwapker shólkemlerge qaratılıwı hám qadaǵalaw jumıslarına ayrıqsha itibar qaratıldı. Sonday-aq, platforma arqalı xalıq penen ashıqtan-ashıq sóylesiwdi kúsheytiw, múrájatlarǵa jedel hám nátiyjeli sheshim tabıw boyınsha tiyisli usınıslar berildi. Puqaralardıń múrájatları menen islesiwde ashıq-aydınlıqtı támiyinlew, xalıqtı qıynap atırǵan mashqalalardı sistemalı sheshiw Keńes jumısınıń áhmiyetli baǵdarlarınan biri bolıp esaplanadı.