Xalq deputatlari Bekobod tumani Kengashiga Oʻzbekiston Ekologik partiyasidan saylangan deputat U. Raximjonov, Oʻzbekiston Liberal-demokratik partiyasidan saylangan deputat Sh. To‘raqulovalar “Xonobod” mahallasida bo‘lib, yoshlarning jismoniy tarbiya va sport bilan muntazam shug‘ullanishlari uchun yaratilgan sharoitlarni o‘rgandilar.

O‘rganish davomida sport maydonining holati, yoshlar uchun yaratilgan imkoniyatlar hamda mavjud infratuzilmaning bugungi talablarga mosligi atroflicha ko‘zdan kechirildi.

Yoshlarni sog‘lom turmush tarziga jalb etish, ularning bo‘sh vaqtini mazmunli tashkil qilish va sportga bo‘lgan qiziqishini yanada oshirish — ustuvor vazifalardan biridir.