Sessiya kun tartibidagi masalalar dastlabki tarzda doimiy komissiyalarda muhokama qilindi

Xalq deputatlari Uzun tumani Kengashining Mahalliy budjet, tadbirkorlikni rivojlantirish va iqtisodiy islohotlar hamda Korrupsiyaga qarshi kurashish va xavfsizlik masalalari bo‘yicha doimiy komissiyasining navbatdagi yig‘ilishi bo‘lib o‘tdi. Unda tuman farovonligi uchun muhim bo‘lgan masala deputatlar tomonidan atroflicha ko‘rib chiqildi.

✅Yig‘ilish kun tartibidan quyidagi masala joy oldi:

Uzun tumanida 2026-yilda ijtimoiy-iqtisodiy rivojlantirish, O‘zbekiston Respublikasi Prezidentining 2025-yil 8-oktabrdagi PQ-298-sonli hamda 2026-yil 5-fevraldagi PQ-49-sonli qaroriga asosan, tumanda “Yangi O‘zbekiston qiyofasidagi” va “Og‘ir” toifadagi mahalla hamda drayver loyihalari ko‘zda tutilgan mahallalarda amalga oshiriladigan ishlar o‘rganib chiqildi.

✅ Yig‘ilish davomida deputatlar mas’ul rahbarga sohalardagi kamchiliklarni bartaraf etish bo‘yicha qat’iy savollar qo‘yib, ish samaradorligini oshirish yuzasidan zarur tavsiyalar berdilar. Muhokama qilingan masala yuzasidan doimiy komissiyaning tegishli qarorlari qabul qilindi.