Xalıq deputatları Taxtakópir rayonlıq Keńesiniń gezektegi sessiyasında jaslarǵa baylanıslı áhmiyetli qarar qabıl etildi. Qararǵa tiykar, 2026-jıl dawamında "Bes baslama olimpiadası" sheńberinde ótkeriletuǵın tańlaw hám sport jarıslarında máhálle hám rayon basqıshında jeńimpaz bolǵan jaslardı xoshametlew ushın "Jaslar dápteri" qorı esabınan 120 mln swm qarjı ajıratıldı.
Bul qarjılar jaslardıń talantın qollap-quwatlaw, olardıń belsendiligin arttırıw hám bos waqıtın mazmunlı shólkemlestiriwge xızmet etedi.
Sonday-aq, ajıratılǵan qarjılardıń maqsetli hám ashıq-aydın jumsalıwı boyınsha juwapkerlerge tiyisli tapsırmalar berildi.