Xalq deputatlari Tuproqqal’a tuman Kengashining navbatdagi yig‘ilishida tuman soliq inspeksiyasi boshlig‘i S. Ro‘zimovaning 2026-yil I-chorakdagi faoliyati yuzasidan hisoboti eshitildi. 

Hisobotda qayd etilishicha, I-chorakda tuman byudjeti tushumlari belgilangan reja ortig‘i bilan bajarilib, 6 milliard 334 million so‘mdan ortiq mablag‘ tushirilgan. 

“Mahallabay” va “Xonadonbay” tizimi asosida olib borilgan ishlar natijasida tadbirkorlikni rivojlantirish, yangi ish o‘rinlari yaratish va qo‘shimcha soliq manbalarini aniqlash bo‘yicha ijobiy natijalar qayd etildi. 

Jumladan, 42 ta tadbirkorlik subyekti faoliyati qayta tiklandi, 39 ta yangi ish o‘rni yaratildi, 75 nafar tadbirkor va 21 ta dehqon xo‘jaligi ro‘yxatdan o‘tkazildi hamda 1346 nafar fuqaro o‘zini o‘zi band qildi. 

Yig‘ilishda mahalliy byudjet daromadlarini oshirish, soliq bazasini kengaytirish va tadbirkorlarni qo‘llab-quvvatlash bo‘yicha vazifalar belgilandi.1616:20