Xalq deputatlari Tuproqqal’a tuman Kengashi huzuridagi “Yoshlar maslahat guruhi”ning navbatdagi yig‘ilishida “Payshanba — yoshlar kuni” munosabati bilan bir qator taklif va tashabbuslar ilgari surildi.
Yig‘ilishda tumandagi yoshlarning taklif va tashabbuslarini qo‘llab-quvvatlash, ularning ijodiy izlanishlarini rag‘batlantirish maqsadida IT Parkda uchrashuv tashkil etish taklifi bildirildi.
Mazkur tadbirni tuman Yoshlar ishlari bo‘limi, tuman hokimligi, texnikum rahbarlari hamda maktabgacha va maktab ta’limi bo‘limi mas’ul xodimlari ishtirokida o‘tkazish rejalashtirilmoqda.
Ta’kidlanganidek, tadbirdan asosiy maqsad — ijodkor yoshlarni aniqlash, ularni qo‘llab-quvvatlash va rag‘batlantirish, shuningdek, tadqiqotchi hamda izlanuvchan yosh olim va olimalarning yetishib chiqishi uchun Prezidentimiz tomonidan yaratilayotgan imkoniyatlardan samarali foydalanishga ko‘maklashishdan iborat.08:53