9-may Xotira va qadrlash kuni bilan Sharof Rashidov tumanida tantanali ma’naviy-ma’rifiy tadbir yuqori saviyada tashkil etildi. Ta’kidlash joizki, Xalq deputatlari tuman Kengashi deputatlari ushbu tadbirda faol ishtirok etib, jamiyatda xotira va qadrlash an’analarini mustahkamlash, yosh avlod qalbida vatanparvarlik, fidoyilik va ajdodlar xotirasiga hurmat tuyg‘ularini yanada kuchaytirishga alohida urg‘u berishdi. Tadbir davomida deputatlar Vatan himoyasi yo‘lida halok bo‘lgan qahramonlar xotirasiga bag‘ishlangan ramziy yodgorlik majmuasida bo‘lib, unda bitilgan urushda fido bo‘lgan yurtdoshlarimiz yod etildi. Deputatlar ushbu muqaddas maskanda turib, Vatan uchun jonini fido qilgan qahramonlar xotirasi oldida chuqur hurmat bajo keltirdilar. Ularning jasorati va fidoyiligi bugungi tinch hayotimizning mustahkam poydevori ekanligi alohida qayd etildi.