Xalq deputatlari tuman Kengashi deputati Baxromov Isoxon tomonidan 9-maktabda navbatdagi uchrashuv tashkil etildi. Uchrashuv davomida ta’lim muassasasining umumiy faoliyati atroflicha ko‘zdan kechirilib, xususan, ma’naviyat burchaklari, zamonaviy o‘qitish uslublarini joriy etish holati hamda olib borilayotgan monitoring ishlari tahlil qilinib. Shuningdek, maktabning sport zallari faoliyati ham o‘rganilib, o‘quvchilar uchun yaratilgan sharoitlarga alohida e’tibor qaratildi. Bundan tashqari, maktabda tashkil etilgan yo‘l harakati xavfsizligi xonasi zamonaviy jihozlar bilan ta’minlangani deputat tomonidan ijobiy baholanib, bu yerda o‘quvchilarga yo‘l harakati qoidalarini amaliy va nazariy jihatdan o‘rgatish yo‘lga qo‘yilgani e’tirof etildi. Uchrashuv yakunida pedagog xodimlar bilan suhbat o‘tkazilib, ta’lim sifatini yanada oshirish, yoshlar tarbiyasida ma’naviy-ma’rifiy ishlarni kuchaytirish hamda mavjud muammolarni bartaraf etish yuzasidan deputat tomonidan taklif va mulohazalar bildirildi.