YOSHLARNING BO'SH VAQTINI MAZMUNLI O'TKAZISH MAQSADIDA VELOPOYGA MUSOBAQASI O‘TKAZILDI.

 Shodlik mahallasida keng ko‘lamli sportning velopoyga turi bo'yicha mahalladagi uyushmagan yoshlar o'rtasida sport tadbiri tashkil etildi. 

Xalq deputatlari Kengashi deputati F.Xatamov tashabbusi bilan o‘tkazilgan mazkur velopoyga musobaqasi yoshlar o‘rtasida sog‘lom turmush tarzini targ‘ib qilish hamda aholining bayram kayfiyatini oshirishga qaratildi.

Musobaqa yakuniga ko‘ra, yuqori natijalarni qayd etgan ishtirokchilar va g‘oliblar tashkilotchilar tomonidan diplom hamda qimmatbaho esdalik sovg‘alari bilan munosib taqdirlandilar.

Mazkur tadbir mahallada istiqomat qiluvchi yoshlarning bo‘sh vaqtini mazmunli tashkil etish va ularda vatanparvarlik tuyg‘usini mustahkamlash yo‘lidagi navbatdagi amaliy qadam bo‘ldi.