Oilaning jamiyatdagi o‘rni va ahamiyatini yanada mustahkamlash, milliy qadriyatlarimizni asrab-avaylash hamda sog‘lom va ahil oilaviy muhitni targ‘ib etish maqsadida Boyovut tumani Alisher Navoiy mahallasida ma’naviy-ma’rifiy ruhdagi tadbir yuqori saviyada tashkil etildi.

Tadbirda tuman deputati, mehribon buvijon nuroniylar, ibratli oilalar hamda faol xotin-qizlar ishtirok etdi.

–   Prezident Shavkat Mirziyoyev o‘z chiqishlarida oila jamiyatning eng asosiy bo‘g‘ini, uni mustahkamlash, milliy qadriyatlarni asrab-avaylash hamda kelajak avlodni sog‘lom ma’naviy muhitda tarbiyalash davlat siyosatining ustuvor yo‘nalishlaridan biri ekanini ta’kidlab keladi. Haqiqatan ham, oilada mehr, o‘zaro hurmat va ishonch qaror topgan taqdirdagina sog‘lom jamiyat shakllanadi. Bugungi kunda o‘tkazilayotgan bunday uchrashuvlar xotin-qizlar faolligini oshirish, yosh avlodni tarbiyalash va ma’naviy muhitni mustahkamlashga xizmat qilayotgani ta’kidlandi,  – deydi Tuman kengashi deputati Karomat Karimova.

Tadbir davomida oila muqaddasligi, farzand tarbiyasida ota-onaning mas’uliyati, oiladagi o‘zaro hurmat, mehr-oqibat va sadoqat kabi ezgu qadriyatlar yuzasidan fikr almashildi. Shuningdek, mustahkam oilaning jamiyat taraqqiyotidagi o‘rni, yoshlarni oilaviy hayotga tayyorlash, sog‘lom turmush tarzini shakllantirish hamda oilalarda totuvlik muhitini saqlash masalalariga alohida e’tibor qaratildi.

Mazkur tadbir oilaviy qadriyatlarni mustahkamlash va jamiyatda ma’naviy muhitni yanada yuksaltirishga xizmat qildi.