JOL QÁWIPSIZLIGI HÁM MÁHÁLLENIŃ IShKI KÓShELERI-ÁHMIETLI MÁSELELER DODALANDÍ

Xalıq deputatları Nókis rayonlıq Keńesi Qattaǵar saylaw okrugi Milliy tiklanish partiyası deputatı Korrupciyaǵa qarsı gúresiw hám qáwipsizlik máseleleri boyınsha turaqlı komissiya baslıǵı M.Begdullaevtıń qatnasıwında juwapker shólkemlerdiń wákilleri menen gezektegi májilis bolıp ótti.

Onda máhálle ishki kósheleriniń jaǵdayı, kóshelerdi túngi jaqtılandırıw, avtomobil jollarındaǵı tıǵılıslardı saplastırıw hám jol-transport hádiyseleri kóp júz berip atırǵan aymaqlarda qáwipsizlikti támiyinlew máseleleri hár tárepleme dodalandı.

Májilis dawamında mashqalalı aymaqlar talıqlanıp JTHlerdi azaytıwǵa qaratılǵan anıq ilajlar belgilep alındı. Juwapkerlerge jol infrastrukturasın jaqsılaw, háreket qáwipsizligin támiyinlew hám xalıq ushın qolaylı sharayat jaratıw boyınsha tiyisli tapsırmalar berildi.

Jergilikli Keńes deputatı jumısınıń eń áhmietli baǵdarları boyınsha USINISLARDIŃ 8-kórsetpesi

t.me/Nukus_tuman_Kengashi