“Hokimlik soati” davomida berilgan topshiriqlar ijrosini ta’minlash, shuningdek, “Xalq qabulxonasi” orqali Ijtimoiy himoya boshqarmasiga yuborilgan murojaatlarning o‘z vaqtida va sifatli ko‘rib chiqilishini ta’minlash maqsadida tegishli o‘rganish ishlari amalga oshirilmoqda.

Jumladan, Xalq deputatlari Sardoba tumani Kengashi kotibiyati bosh mutaxassisi L. Toshquvvatov hamda tuman deputati J. Umarovlar tomonidan Navruz mahakkasida ushbu murojaatlarning ijro holati joyiga chiqqan holda atroflicha o‘rganilmoqda. O‘rganish jarayonida har bir murojaatning mazmuni, ko‘tarilgan muammolarning dolzarbligi hamda ularning amalda hal etilishi holati tahlil qilinmoqda.

Aniqlangan kamchilik va muammolar yuzasidan mas’ul tashkilotlarga tegishli ko‘rsatmalar berilib, ijro intizomini mustahkamlash, murojaatlarni ko‘rib chiqishda ortiqcha byurokratik to‘siqlarni bartaraf etishga alohida e’tibor qaratilmoqda. Mazkur o‘rganishlar fuqarolarning ijtimoiy himoyasiga doir masalalarni samarali hal etish, ularning davlat idoralariga bo‘lgan ishonchini yana-da oshirishga xizmat qilmoqda.