Aholiga ko‘rsatilayotgan tibbiy xizmatlar holati o‘rganildi

Xalq deputatlari Paxtachi tumani Kengashi 3-Yobu saylov okrugidan saylangan deputat Muxtorova Nisora Murodillayevna o‘z saylov okrugida aholiga o‘z vaqtida va sifatli tibbiy yordam ko‘rsatilish holatini o‘rganish maqsadida joylarda bo‘ldi.

O‘rganish jarayonida quyidagi masalalar ko‘zdan kechirildi:

-dori vositalarining saqlanish sharoitlari, yaroqlilik muddatlari;

-bemorlarga bepul berilishi lozim bo‘lgan dori vositalarining mavjudligi;

-dorilar yetkazib berish jarayoni va ularning hisob-kitobi;

-aholining dori ta’minoti bo‘yicha murojaatlari va ularning amalda bajarilishi;

-dorixonalar va poliklinika o‘rtasidagi hamkorlik mexanizmlari o‘rganildi.

Ushbu o‘rganishning maqsadi — aholining dori vositalariga bo‘lgan ehtiyojini o‘z vaqtida va sifatli ta’minlash, jarayonda shaffoflikni kuchaytirish hamda tizimda yuzaga kelayotgan muammolarning oldini olishdir.