Халқ депутатлари Гулистон туман Кенгаши 1-Боёвут сайлов округи депутати Ф. Мингбоев томонидан туманнинг Боёвут маҳалласида истиқомат қилувчи сайловчилар билан режа асосида қабул ва учрашув ташкил этилди. Қабул жараёнида фуқароларнинг мурожаатлари тингланиб, уларда кўтарилган масалалар атрофлича ўрганилди. Жумладан, мазкур маҳалланинг М. Мингбоев кўчасида яшовчи фуқаро А.Парманова томонидан уй-жойини таъмирлашда амалий ёрдам кўрсатиш тўғрисида мурожаат билдирилди. Ушбу мурожаат амалдаги қонунчилик талабларига мувофиқ тартибда рўйхатга олиниб, белгиланган тартибда кўриб чиқиш ва тегишли чоралар кўриш учун масъул ташкилотларга йўналтирилиши қайд этилди.