Xalq deputatlari Guliston tuman Kengashi 4-Furqat saylov okrugi deputati R. Sheranov tumanning Furqat mahallasi saylovchilari bilan o‘tkazilgan uchrashuvda aholi tomonidan ko‘tarilgan masalani ijobiy hal etilishiga erishdi.Jumladan, 2-maktab oldida hosil bo‘lgan chuqurlikni asfaltlash yuzasidan tuman “Yo‘llardan foydalanish” unitar korxonasiga deputatlik so‘rovi yuborilgan edi. Mazkur murojaat natijasida muammo bartaraf etildi va hududda asfaltlash ishlari amalga oshirildi. Bu kabi ishlar aholi murojaatlariga e’tibor qaratilayotgani va ularni o‘z vaqtida hal etishga qaratilgan amaliy choralar ko‘rilayotganidan dalolat beradi.