Sho‘rchi tumani hududidan o‘tuvchi M-41 avtomobil yo‘lida obodonlashtirish va ko‘chat ekish ishlari amalga oshirilmoqda.  

         Joriy yilning 11-fevral kuni Xalq deputatlari Sho‘rchi tumani Kengashi kotibiyati xodimlari va tuman Kengashi deputatlari tomonidan ushbu ezgu tashabbus doirasida yo‘l yoqalarini tartibga keltirish, manzarali va mevali ko‘chatlar ekish, hududni tozalash hamda obodonlashtirish ishlari faol tarzda olib borilmoqda. 

       Mazkur tadbirlar atrof-muhitni muhofaza qilish, ekologik holatni yaxshilash va yo‘l bo‘ylarining ko‘rkamligini
oshirishga xizmat qilmoqda. 

       Shuningdek, bunday amaliy ishlar aholi o‘rtasida ekologik madaniyatni yuksaltirish, yashil hududlar maydonini kengaytirish va kelajak avlod uchun sog‘lom muhit yaratishga qaratilgan. 

       Obodonlashtirish ishlari bosqichma-bosqich davom ettirilishi rejalashtirilgan.