Deputat saylawshılar menen ushırastı.

     Isbilermenler háreketi - Ózbekstan Liberal-demokratiyalıq partiyasınan Xalıq deputatları Nókis rayonlıq Keńesine 12-sanlı “Órnek” okruginen saylanǵan deputat Aminov Marat Shamshetovich saylawshıları menen náwbettegi ushırasıwın ótkerdi.

     Ushırasıw “Diyxan arna” MPJ aymaǵında shólkemlestirilip, onda máhálle belsendileri, nuranıylar, jaslar hám keń jámiyetshilik wákilleri qatnastı.

     Ilaj dawamında Prezident Sh.Mirziyoevtiń Oliy Majlis hám Ózbekstan xalqına jollaǵan Múrájatında belgilep berilgen 6 tiykarǵı baǵdar, sonday-aq, jetilistirilip atırǵan “Ózbekstan – 2030” strategiyasınıń tiykarǵı maqset hám wazıypaları haqqında maǵlıwmatlar berildi.

     Puqaralar tárepinen bildirilgen másele, mashqalalar hám olardıń sheshimleri boyınsha múrájátleri tıńlanıp, pikirler almasıldı.