Inson salomatligi jamiyat taraqqiyoti va barqaror rivojlanishining eng muhim omillaridan biri hisoblanadi. Sog‘lom jamiyatni shakllantirish, aholining hayot sifati va uzoq umr ko‘rishini ta’minlashda profilaktika tadbirlarining o‘rni beqiyosdir. Ayniqsa, ayollar salomatligini muhofaza qilish oila barqarorligi, onalik va bolalikni himoya qilish, shuningdek, kelajak avlodning sog‘lom kamol topishini ta’minlashda alohida ahamiyat kasb etadi. Shu munosabat bilan, Jalaquduq tumani Urg‘i MFYda ayollar o‘rtasida belgilangan 8 ta majburiy tibbiy ko‘rikdan o‘z vaqtida va to‘liq o‘tishni ta’minlash, turli kasalliklarning oldini olish, ularni erta bosqichda aniqlash hamda samarali davolash choralarini ko‘rish dolzarb vazifalardan biri hisoblanishi to‘g‘risida tadbir o‘tkazildi. Mazkur tadbirda tuman Kengashi deputati Yo.Tadjibayeva xamda X.Qirg‘izboyevalar ishtirok etib, ayollar salomatligini muhofaza qilish davlat siyosati darajasida e’tibor markazida ekanini ta’kidladi. Shuningdek, u barcha xotin-qizlarni o‘z salomatligiga befarq bo‘lmaslikka, belgilangan tibbiy ko‘riklarda faol ishtirok etishga chaqirdi.