Демократик жамиятда сайловчилар ўз вакиллари фаолиятини кузатиш ва баҳолаш ҳуқуқига эга.
Шу нуқтаи назардан депутатларнинг ўз сайловчиларига ахборот бериши муҳим
аҳамиятга эга. Бу жараён нафақат депутатнинг масъулиятини оширади, балки
сайловчилар билан очиқ ва самарали алоқани таъминлаб, билдирилган ишончни
тўлақонли оқлаш йўлида фаолиятини таҳлил қилиш имконини беради. 

Беруний ихтисослаштирилган мактаби фаоллар залида 5-"Саройкул" сайлов округига O‘ZLIDEPдан сайланган
Халқ депутатлари Беруний туман Кенгаши депутати Артиков Қаҳрамон Сапарбаевич "Саройкул" маҳалла
фуқаролар йиғинидаги ўз сайловчилари билан учрашди. 

Шунингдек, давлат ва нодавлат ташкилотлари вакиллари, жамоатчилик фаоллари, фахрийлар, маҳалла фуқаролар
йиғини масъуллари иштирок қилган тадбирда депутат Қаҳрамон Артиковнинг ўтган
даврдаги фаолияти юзасидан ахбороти тингланди. 

Депутат Қ.Артиковнинг фаолиятига бағишланган учрашув тадбири унинг ҳудуддаги кўплаб масалаларда сайловчилар
ишончини оқлаши, аҳолини рози қилишга қаратилган амалий ишлари билан аҳамиятли
бўлди. Қолаверса, келгусидаги муҳим вазифа ва мақсадлар юзасидан ўзаро
фикр алмашилди.