Aholi bilan ochiq muloqotni ta’minlash maqsadida xalq deputatlari Pastdarg‘om tuman Kengashi deputati N.Dusmurodov tomonidan navbatdagi qabul o‘tkazildi. Qabul davomida fuqarolar tomonidan ijtimoiy, kommunal soha, bandlik, yer va uy-joy masalalariga oid murojaatlar tinglandi.

Har bir murojaat yuzasidan batafsil tushuntirishlar berilib, tegishli tashkilotlar bilan hamkorlikda muammolarni hal etish bo‘yicha choralar belgilandi. Ayrim masalalar joyida ijobiy hal etilgan bo‘lsa, muddat talab qiladigan murojaatlar nazoratga olindi.

Fuqarolarning dardi va takliflarini bevosita eshitish, ularning muammolariga yechim topish — deputat faoliyatining ustuvor yo‘nalishlaridan biridir.