Халқ депутатлари туман Кенгаши депутати Мирзалиев Хабибулло томонидан Сойбўйи маҳалла фуқаролар йиғини ҳудудида жойлашган қабристонни ободонлаштириш ишлари амалга оширилди. Мазкур эзгу ташаббус доирасида қабристон ҳудуди тозаланиб, тартибга келтирилди ҳамда фуқаролар учун қулайлик яратиш мақсадида янги, замонавий дарвоза ўрнатилди.

Ушбу ишлар аҳолининг таклиф ва мурожаатларини инобатга олган ҳолда бажарилиб, қабристон ҳудудининг кўрки янада яхшиланди. Бундай хайрли ишлар маҳалла аҳолиси томонидан илиқ кутиб олинди ва ташаббус муаллифига миннатдорчилик билдирилди.