Deputat Himmatova Nodira Normamatovnaning PhD ilmiy darajasini muvaffaqiyatli himoya qilishi munosabati bilan

Xalq deputatlari Sherobod tumani Kengashi deputati, 14-Yoshlik–Nurtepa saylov okrugi deputati Himmatova Nodira Normamatovna “Alohida ta’lim ehtiyojlari bo‘lgan o‘quvchilar ijtimoiylashuvining psixologik xususiyatlari (inklyuziv ta’lim sinflari misolida)” mavzusidagi psixologiya fanlari bo‘yicha falsafa doktori (PhD) ilmiy darajasini olish uchun yozilgan dissertatsiya ishini Nizomiy nomidagi O‘zbekiston Milliy pedagogika universiteti huzuridagi PhD.03/30.12.2021.P.26.02 raqamli Ilmiy kengashning 2026-yil 24-yanvar kungi majlisida muvaffaqiyatli himoya qildi.

Hurmatli deputat Himmatova Nodira Normamatovnani mazkur ilmiy yutug‘i bilan samimiy tabriklab, kelgusidagi ilmiy va jamoat faoliyatida ulkan muvaffaqiyatlar, mustahkam salomatlik hamda yurtimiz ta’lim tizimi ravnaqi yo‘lida olib borayotgan faoliyatida yangi zafarlar tilaymiz.

Hurmat bilan,

Xalq deputatlari Sherobod tuman Kengashi deputatlari hamda Kengash kotibiyati jamoasi