📌 Xalq deputatlari Ishtixon tumani Kengashi deputati G.Xudoyberganova tumandagi "Sohibkor" mahallasida aholining ijtimoiy ehtiyojmand toifalariga ko‘rsatilayotgan ijtimoiy xizmatlarning sifatli tashkil etilishi holatini o‘rgandi.

📋 O‘rganish jarayonida mahalladagi ijtimoiy xodim tomonidan kam ta’minlangan oilalarga ijtimoiy nafaqalar va moddiy yordamlarni tayinlash, shuningdek, ularning o‘z vaqtida to‘lanishi masalalari ko‘zdan kechirildi.

👥 Shu bilan birga, aholining ehtiyojmand qatlamini aniqlash, ularni ijtimoiy qo‘llab-quvvatlash mexanizmlarining samaradorligi, amaldagi tartib-qoidalarga rioya etilishi masalalariga alohida e’tibor qaratildi.

📌 Mazkur o‘rganishlar aholining ijtimoiy himoyasini kuchaytirish, ehtiyojmand oilalarni qo‘llab-quvvatlash hamda mahallada ijtimoiy barqarorlikni ta’minlashga xizmat qiladi.