2026-yil 12-yanvar kuni soat 11:00da Xalq deputatlari Ishtixon tumani Kengashining Mahalliy byudjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasining navbatdagi yig‘ilishi onlayn tarzda (Zoom platformasi orqali) o‘tkazildi.

Yig‘ilish kun tartibiga muvofiq quyidagi masalalar ko‘rib chiqildi:

1️⃣ 2026-yilda Ishtixon tumanini kompleks ijtimoiy-iqtisodiy rivojlantirish dasturi to‘g‘risida;

2️⃣ Ishtixon tumanida “Zarbdor tajribasi” asosida sanoat, xizmat ko‘rsatish va qishloq xo‘jaligi sohalarida amalga oshiriladigan drayver loyihalar bo‘yicha takliflarni ko‘rib chiqish va ma’qullash haqida.

Kun tartibidagi masalalar yuzasidan mas’ullar tomonidan axborotlar berildi, deputatlar tomonidan taklif va mulohazalar bildirildi. Muhokamalar yakunida hududning iqtisodiy salohiyatini oshirish, yangi ish o‘rinlari yaratish va tadbirkorlikni qo‘llab-quvvatlashga qaratilgan tegishli xulosa va tavsiyalar ishlab chiqildi.