Xalq deputatlari Pastdarg‘om tuman Kengashi deputati Nodir Dustmurodov sport bilan muntazam shug‘ullanib kelayotgan yoshlar bilan birgalikda sport mashg‘ulotlarida ishtirok etdi.

Uchrashuv davomida sog‘lom turmush tarzini qaror toptirish, yoshlarni jismonan baquvvat va ma’nan yetuk etib tarbiyalash, sport orqali intizom, jamoaviylik va maqsadga intilish kabi fazilatlarni shakllantirish masalalariga alohida e’tibor qaratildi.

Deputat o‘z shaxsiy namunasi orqali yoshlarni sportga keng jalb etish, bo‘sh vaqtni mazmunli tashkil etish hamda yot g‘oyalardan himoya qilishda jismoniy tarbiya va sportning ahamiyati katta ekanini ta’kidladi.

Bunday mashg‘ulotlar yoshlar bilan muloqotni mustahkamlash, ularni qo‘llab-quvvatlash va sog‘lom avlodni voyaga yetkazishga xizmat qiladi.