O‘zbekiston Respublikasida davlat dasturlari va strategik hujjatlarni ishlab chiqish hamda ularni amalga oshirish
jarayonida jamoatchilikni xabardor qilish va muhokamaga jalb etish qonun hujjatlarida belgilangan tartibda amalga oshiriladi. 

Xususan, O‘zbekiston Respublikasi Konstitutsiyasi, “Xalq deputatlari mahalliy Kengashlari to‘g‘risida”gi Qonun hamda “Normativ-huquqiy hujjatlar to‘g‘risida”gi Qonun talablariga muvofiq, mahalliy Kengash deputatlari o‘z saylov okrugidagi fuqarolar bilan doimiy aloqada bo‘lishi, ularning huquq va manfaatlariga daxldor masalalar yuzasidan tushuntirish ishlarini olib borishi shart. 

Shu asosda, yangilanayotgan “O‘zbekiston – 2030” strategiyasi loyihasi yuzasidan Tomdi tumani Aytekebi saylov okrugidan saylangan deputat S.Djanabergenova tomonidan saylovchilar bilan uchrashuvlar o‘tkazilib, Strategiyaning maqsad va
vazifalari, ustuvor yo‘nalishlari hamda unda belgilangan ijtimoiy-iqtisodiy islohotlarning mazmun-mohiyati qonuniy tartibda tushuntirib berildi. 

Mazkur tushuntirish ishlari ochiqlik, oshkoralik va jamoatchilik ishtirokini ta’minlash, fuqarolarning fikr va takliflarini inobatga olishga qaratilgan bo‘lib, amaldagi qonunchilik talablariga to‘liq mos keladi.