DEPUTAT FAOLIYATI YUZASIDAN AXBOROT

Xalq deputatlari Sherobod tumani Kengashi deputati, 19-Sherobod saylov okrugi deputati A. Choriyev tomonidan “Oltinvoha” va “Sherobod” mahalla fuqarolar yig‘inida yashovchi saylovchilar bilan uchrashuv o‘tkazilib, 2025-yil davomida amalga oshirilgan ishlar yuzasidan axborot berildi.

Uchrashuv davomida deputat tomonidan saylovchilar murojaatlari bilan ishlash, mahalla hududida ijtimoiy-iqtisodiy muammolarni aniqlash va ularni bartaraf etish borasida amalga oshirilgan chora-tadbirlar haqida ma’lumotlar taqdim etildi. Xususan, aholini qiynab kelayotgan masalalar joyiga chiqib o‘rganilgani, tegishli tashkilot va idoralarga deputatlik so‘rovlari yuborilgani hamda ayrim muammolar ijobiy hal etilgani qayd etildi.

Uchrashuv yakunida saylovchilar tomonidan bildirilgan taklif va mulohazalar tinglanib, kelgusida ularni hal etish bo‘yicha tegishli vazifalar belgilab olindi.