Bugun xalq deputatlari Olmazor tumani Kengashi deputati Feruza Salomova ishtirokida Respublika ixtisoslashtirilgan Ftiziatriya va pulmanologiya ilmiy-amaliy tibbiyot markazida, Oʻzbekiston Respublikasi Prezidenti Sh.M.Mirziyoyevning Oliy Majlisga va Oʻzbekiston xalqiga murojaatnomasi mazmun-mohiyatini oʻrganish va murojaatnomada belgilangan ustuvor vazifalar ijrosiga bagʻishlangan davra suhbati o‘tkazdi. Tadbirda, sog‘liqni saqlash sohasidagi yangi tashabbuslar, tibbiyot xizmatlarini yaxshilash va aholi salomatligini ta’minlash bo‘yicha amaliy takliflar muhokama qilindi.

Yig'ilishda hududdagi sog‘liqni saqlash muassasalari rahbarlari, tibbiyot xodimlari, va boshqa mutasaddilar ishtirok etib, Prezidentning murojaatnomasi doirasida amalga oshirilishi kerak bo‘lgan islohotlar haqida fikr almashishdi. Deputat, o‘z chiqishida, Prezidentning sog‘liqni saqlash sohasidagi o‘zgarishlar va aholi farovonligini oshirish borasidagi tashabbuslarining ahamiyatini ta’kidlab, ularning amalga oshirilishini ta’minlash uchun birgalikda faoliyat olib borishga chaqirdi.

Majlisda, shuningdek, hududdagi sog‘liqni saqlash infratuzilmasining mustahkamlanishi, yangi tibbiyot texnologiyalarining joriy etilishi va xodimlar malakasini oshirish masalalari ham ko‘tarildi. Tadbir yakunida ishtirokchilar, Prezident murojaatnomasidagi g‘oyalarni amalga oshirishda birlashib ishlashga tayyor ekanliklarini bildirishdi.