Muzrabot tumani hokimi, xalq deputatlari tuman Kengashi raisi - Abdulla Mamatqulov va tuman Kengashi deputati D.Sherboyevlar tumanda olib borilayotgan bir qator qurilish obyektlaridagi ishlar holati bilan tanishdilar.

Xususan, O‘zbekiston Respublikasi Prezidentining 2024-yil 28-martdagi “Islom taraqqiyot banki ishtirokida «Qishloq joylarni kompleks rivojlantirish» loyihasini amalga oshirish chora-tadbirlari to‘g‘risida”gi PQ–141-son qarori ijrosi doirasida Madaniyat mahallasida toza ichimlik suvi bilan ta’minlash bo‘yicha bajarilayotgan ishlar o‘rganildi.

Shuningdek, mazkur qarorga muvofiq “Madaniyat” mahallasida jami 11,8 kilometr asosiy va ichki ko‘chalarni asfaltlash ishlari belgilangan bo‘lib, tuman hokimi qurilish ishlarini olib borayotgan tashkilot rahbariga ishlarni belgilangan texnik talablar va sifat standartlariga qat’iy rioya qilgan holda amalga oshirish yuzasidan aniq tavsiya va ko‘rsatmalar berildi.