Ilajda 2025-jılı ámelge asırılǵan jumıslardıń juwmaǵı usınıldı hám 2026-jılǵı Mámleketlik baǵdarlama sheńberinde orınlanıwı zárúr bolǵan tiykarǵı wazıypalar belgilendi.

Májiliste Taxtakópir rayonı hákiminiń birinshi orınbasarı T.Toqımbetov, jergilikli Keńes deputatları, "Ekologiya hám salamatlıq" hayal-qızlar klubınıń aǵzaları hám "Jas ekologlar" qanatı wákilleri qatnastı.

Maǵlıwmat ornında aytıw kerek, 2025-jılı erisilgen nátiyjelerge bola, 10 baslanǵısh partiya shólkemi shólkemlestirilgen bolıp, 431 puqara partiya aǵzalıǵına qabıl etilgen. Sonday-aq, "Jas ekologlar" klubı tárepinen jıl dawamında 74 úgit-násiyat ilajı ótkerilgen hám bul ilajlar arqalı 1248 jas qamtıp alınǵan. "Ekologiya hám salamatlıq" hayal-qızlar klubları tárepinen bolsa 11 úgit-násiyat ilajı shólkemlestirilip, olarǵa 215 hayal-qız hám jaslar tartılǵan. Jıl dawamında jámi 74 ilaj shólkemlestirilgen hám olarda 2584 puqara qatnasqan. Bunnan tısqarı, 4 deputatlıq soraw jiberilgen bolıp, xalıqtıń mápleri hám ekologiyalıq mashqalalardı sheshiw tiykarǵı wazıypa sıpatında belgilengen.

Májilis juwmaǵında bildirilgen pikir-usınıslar tiykarında tiyisli qararlar qabıl etildi hám jıl dawamında partiya jumısında belsene qatnasqan bir qatar partiya belsendileri xoshametlendi.