📌 Xalq deputatlari Chinoz tumani Kengashiga 1-Markaz saylov okrugidan saylangan deputat Elyorjon Saidovga biriktirilgan kotibiyat mudiri A.Baxromov tomonidan 2026-yil 18-sentabr kuni “Xo‘ja” mahallasi aholisi tomonidan yo‘llangan murojaat yuzasidan o‘rganish ishlari olib borildi.

🔎 O‘rganish davomida “Xo‘ja” mahallasida joylashgan ko‘p qavatli uylardagi kanalizatsiya quvurlarining ayrim qismlari ta’mirtalab holatga kelib qolgani, natijada ushbu hududda istiqomat qilayotgan aholiga noqulayliklar yuzaga kelayotgani aniqlandi.
🤝 Mazkur masalani ijobiy hal etish maqsadida tuman Qurilish va uy-joy kommunal xo'jaligi bo‘limi hamda BSK rahbari R.Abdumannopov bilan hamkorlikda muammo joyiga chiqib o‘rganildi. Aniqlangan kamchiliklarni bartaraf etish, kanalizatsiya tizimining barqaror ishlashini ta’minlash va aholi uchun qulay sharoit yaratish bo‘yicha zarur choralar belgilandi.
🛠 O‘rganish natijasiga ko‘ra, kanalizatsiya quvurlarini ta’mirlash, nosoz qismlarini tiklash hamda hududda obodonlashtirish ishlarini amalga oshirish tashkil etildi.
🏡 Mazkur ishlar orqali ko‘p qavatli uylarda yashovchi fuqarolarning murojaatida ko‘tarilgan masalani amaliy hal etish, hududning sanitariya-obodonlik holatini yaxshilash hamda aholiga qulay sharoit yaratishga e’tibor qaratildi.
📍 Aholi murojaatlarining joyida o‘rganilishi, muammolarning mas’ullar bilan hamkorlikda muhokama qilinishi va ularning amaliy yechim topishi deputatlik nazoratining muhim yo‘nalishlaridan biridir.

🇺🇿 Xalq deputatlari Chinoz tumani Kengashi