Mazkur mehnat yarmarkasida Xalq deputatlari Sardoba tumani Kengashi deputati S.Abduvaliyeva ham ishtirok etib, tadbir jarayoni bilan tanishdi.
Yarmarkada tumandagi korxona va tashkilotlar, ishlab chiqarish hamda qurilish korxonalarida mavjud bo‘lgan bo‘sh ish o‘rinlari fuqarolarga taklif etildi.
Ish izlayotgan aholiga mavjud vakansiyalar, ish o‘rinlariga qo‘yiladigan talablar, mehnat sharoitlari hamda ishga joylashish imkoniyatlari haqida batafsil ma’lumotlar berildi.
Tadbir davomida fuqarolar o‘zlariga mos ish o‘rinlarini tanlash, ish beruvchilar bilan bevosita suhbatlashish va mavjud bo‘sh ish o‘rinlari to‘g‘risida zarur ma’lumotlarga ega bo‘lish imkoniyatiga ega bo‘ldilar.
Deputat S.Abduvaliyeva tomonidan ham mehnat yarmarkasi jarayoni, fuqarolarga yaratilayotgan imkoniyatlar va aholi bandligini ta’minlash borasida amalga oshirilayotgan ishlar bilan tanishildi.
Aholi bandligini ta’minlash, fuqarolarni doimiy daromad manbai bilan ta’minlash va ishsizlikni kamaytirishga qaratilgan bunday tadbirlar aholining ijtimoiy-iqtisodiy manfaatlarini ta’minlashda muhim ahamiyat kasb etadi.