Nogironligi bo‘lgan shaxslar uchun yaratilgan imtiyozlar o‘rganildi

📍 Xalq deputatlari O‘rta Chirchiq tuman Kengashi deputati B.Baxovadinov tomonidan “Qaytmas” MFY raisi, hokim yordamchisi hamda ijtimoiy xodim bilan hamkorlikda mahallada istiqomat qiluvchi G.Abdullaevnaning nogironligi bo‘lgan fuqaroning xonadonida o‘rganish ishlari olib borildi.

O‘rganish davomida nogironligi bo‘lgan fuqaroning ijtimoiy himoyasi, qonunchilikda belgilangan huquq va imtiyozlardan foydalanish holati, davlat tomonidan ko‘rsatilayotgan ijtimoiy xizmatlarning sifati va manzilliligi atroflicha ko‘rib chiqildi.

Shuningdek, fuqaroning mavjud ehtiyojlari, kundalik hayotida duch kelayotgan muammolari hamda ularni bartaraf etish bo‘yicha tegishli tashkilotlar tomonidan ko‘rilayotgan choralar o‘rganildi. Davlat tomonidan taqdim etilayotgan ijtimoiy xizmatlar va mavjud imtiyozlardan foydalanish tartibi yuzasidan zarur huquqiy tushuntirishlar berildi.

O‘rganish yakunida nogironligi bo‘lgan shaxslarning huquq va qonuniy manfaatlarini ishonchli himoya qilish, ularni ijtimoiy qo‘llab-quvvatlash, mavjud muammolarni o‘z vaqtida aniqlash va amaliy yordam ko‘rsatish masalalariga alohida e’tibor qaratish zarurligi ta’kidlandi.

Deputat tomonidan mazkur yo‘nalishdagi muammolarni tizimli ravishda o‘rganish hamda fuqarolarning murojaatlari va ehtiyojlaridan kelib chiqib, tegishli tashkilotlar bilan hamkorlikda amaliy choralar ko‘rish ishlari davom ettiriladi.


✅Xalq deputatlari O‘rta Chirchiq tuman Kengashi kotibiyati axborot xizmati!