🔰XOTIN-QIZLAR BILAN ISHLASH SAMARADORLIGI O‘RGANILDI

Xalq deputatlari Jondor tumani Kengashi deputati I. Xolov hamda tuman Kengashi kotibiyati bosh mutaxassisi J. Norov tomonidan Po‘loti mahallasida xotin-qizlar faoli tomonidan amalga oshirilayotgan ishlar samaradorligi o‘rganildi.
🔵O‘zbekiston Respublikasining 09.04.2025 yildagi “Oila va xotin-qizlarni qo‘llab-quvvatlash tizimi takomillashtirilishi munosabati bilan O‘zbekiston Respublikasining ayrim qonun hujjatlariga qo‘shimcha va o‘zgartirishlar kiritish to‘g‘risida”gi O‘RQ-1053-sonli Qonun ijrosini ta’minlash maqsadga muvofiqligi bildirildi.
🔵O‘rganish davomida mahallada xotin-qizlarni qo‘llab-quvvatlash, ularning muammolarini aniqlash va hal etish, bandligini ta’minlash, ijtimoiy himoyaga muhtoj oilalar bilan ishlash hamda aholi o‘rtasida ma’naviy-ma’rifiy tadbirlarni tashkil etish borasida amalga oshirilayotgan ishlarga e’tibor qaratildi.
🔵Shuningdek, xotin-qizlar faolining o‘z hududidagi oilalar bilan ishlash samaradorligi, murojaatlar bilan ishlash holati va aniqlangan muammolarni tegishli tashkilotlar bilan hamkorlikda hal etish choralari ko‘rib chiqildi.
🔵O‘rganish yakunida mavjud kamchiliklarni bartaraf etish, xotin-qizlar bilan manzilli ishlashni yanada kuchaytirish va ularning huquq hamda manfaatlarini himoya qilishga qaratilgan ishlarni tizimli davom ettirish bo‘yicha tegishli tavsiyalar berildi.