Aholi xonadonlarida tomorqadan unumli foydalanish holati o‘rganildi

Xalq deputatlari Termiz tuman Kengashi 1-Xalqabod saylov okrugi deputati N. Ruziyeva tomonidan saylangan hudud — Orol MFYda xonadonlarga tashrif buyurilib, aholining tomorqa yerlaridan unumli va samarali foydalanish holati o‘rganildi.

O‘rganish jarayonida xonadonlarda yer maydonlaridan oqilona foydalanish, turli qishloq xo‘jaligi mahsulotlarini yetishtirish hamda tomorqadan daromad manbai sifatida foydalanish masalalariga e’tibor qaratildi.

Shuningdek, fuqarolar bilan suhbat davomida ularning muammo va takliflari tinglandi hamda mavjud masalalarni hal etish yuzasidan fikr almashildi.

Mazkur ishlar Kengash mutaxassisi K. Abdullayeva bilan hamkorlikda amalga oshirildi.

Aholi xonadonlarida bunday o‘rganishlarning muntazam tashkil etilishi fuqarolar muammolarini joyida aniqlash, ularni tegishli tashkilotlarga yetkazish va tomorqa yerlaridan samarali foydalanishni qo‘llab-quvvatlashga xizmat qiladi.