Xalq deputatlari Bo‘zatov tumani Kengashi deputatlari Sh. Berdaxov, G. Yusupova va J. Jumanazarovlar tomonidan tumanimizdagi nuroniylar ishtirokida uchrashuv va ochiq muloqot o‘tkazildi.

Uchrashuv davomida mamlakatimizda olib borilayotgan keng ko‘lamli islohotlar, aholining ijtimoiy himoyasini kuchaytirish, mahallalarda tinchlik va osoyishtalikni ta’minlash, keksalarni har tomonlama qo‘llab-quvvatlashga qaratilgan O‘zbekiston Respublikasi Prezidenti farmon va qarorlari hamda Vazirlar Mahkamasi qarorlarining mazmun-mohiyati haqida tushuntirishlar berildi.

Shuningdek, davlatimiz tomonidan nuroniylar uchun yaratilayotgan imkoniyatlar, ularning jamiyat hayotidagi faol ishtirokini ta’minlash, boy hayotiy tajribasi va pand-nasihatlaridan yoshlar tarbiyasida samarali foydalanish masalalariga alohida e’tibor qaratildi.

Muloqot davomida nuroniylarning taklif va mulohazalari tinglanib, ularni qiynayotgan masalalar yuzasidan tegishli tushuntirishlar berildi.

Nuroniylar — xalqimizning bebaho ma’naviy boyligi. Ularning hayotiy tajribasi, duosi va maslahatlari jamiyatimiz taraqqiyoti hamda yosh avlod tarbiyasida muhim ahamiyatga ega.