Bolalarni maktabga tayyorlash masalasi o‘rganildi

Xalq deputatlari Oqoltin tumani Kengashi deputati G.Qorayeva tomonidan Shodlik MFY Nayman qishlog‘ida maktabgacha yoshdagi bolalarni maktabga tayyorlov guruhini tashkil etish masalasi o‘rganildi.

O‘rganish davomida mazkur aholi yashash punktidan 2027-yilda 11 nafar bola 1-sinfga qabul qilinishi kutilayotgani aniqlandi. Shu munosabat bilan bolalarni maktab ta’limiga sifatli tayyorlash uchun zarur shart-sharoitlarni yaratish masalasiga e’tibor qaratildi.

Shuningdek, mahalla hududida joylashgan 16-sonli umumta’lim maktabida maktabga tayyorlov guruhini tashkil etish uchun mavjud shart-sharoitlar joyiga chiqib o‘rganildi. O‘rganish yakunlari bo‘yicha aniqlangan masalalarni bartaraf etish va bolalar uchun zarur sharoitlarni yaratish yuzasidan tegishli takliflar bildirildi.