Xalq deputatlari Qo‘qon shahar Kengashiga 11-“O‘rmonbog‘” saylov okrugidan saylangan deputat N.Shomatov tomonidan “Davronbek” mahalla fuqarolar yig‘inida navbatdagi saylovchilar bilan uchrashuv va o‘rganish ishlari olib borildi.

Uchrashuv davomida fuqarolarning murojaatlari, taklif va muammolari tinglanib, ularni hal etish bo‘yicha zarur choralar belgilandi.

Xususan, Qog‘ozgarlik ko‘chasi 20-uyda yashovchi Begmatova Odina turmush o‘rtog‘i jazoni ijro etish muassasasida ekanligi sababli oilaviy sharoiti og‘irligi va moddiy yordamga ehtiyoji mavjudligi yuzasidan murojaat qildi.

Murojaat deputat tomonidan atroflicha tinglanib, fuqaroning ijtimoiy holatini o‘rganish hamda amaldagi tartib asosida zarur yordam ko‘rsatish imkoniyatlarini ko‘rib chiqish yuzasidan tegishli choralar belgilandi.

Mazkur masalani hal etishda mahalla mas’ullari va tegishli ijtimoiy xizmatlar bilan hamkorlikda ish olib borish belgilandi.

Xalq deputatlari Qo‘qon shahar Kengashi