🏗 INFRASTRUKTURA OBYEKTI: QURILISH ISHLARI JOYIDA O‘RGANILDI

O‘zbekiston Respublikasi Prezidentining 2025-yil 27-dekabrdagi PQ-393-sonli “2026–2028-yillarda O‘zbekiston Respublikasining ijtimoiy va ishlab chiqarish infratuzilmasini rivojlantirish chora-tadbirlari to‘g‘risida”gi qarori ijrosi doirasida Sherobod tumanida amalga oshirilayotgan bunyodkorlik ishlari izchil davom ettirilmoqda.

📍 Mazkur qarorga asosan Sherobod tumanining Mustaqillik ko‘chasidagi Sherobod kanali ustidan ko‘prik qurilishi bilan bog‘liq ishlarning borishi joyiga chiqib o‘rganildi.

O‘rganish ishlari Xalq deputatlari Sherobod tumani Kengashi kotibiyat mudiri O.Tursunov hamda Kengash kotibiyati bosh mutaxassisi S. Safarov tomonidan amalga oshirildi.

🔎 O‘rganish davomida qurilish ishlarining amaldagi holati, belgilangan vazifalarning ijrosi hamda obyektda olib borilayotgan ishlarning borishiga e’tibor qaratildi.

Mazkur kabi joyiga chiqib o‘rganishlar hududlarda amalga oshirilayotgan ijtimoiy va ishlab chiqarish infratuzilmasi loyihalarining samarali ijrosini ta’minlash, mavjud masalalarni o‘z vaqtida aniqlash va tegishli choralarni belgilashda muhim ahamiyat kasb etadi.

🇺🇿 Bunyodkorlik — xalq farovonligi va hudud taraqqiyotining muhim omilidir!

Xalq deputatlari Sherobod tumani Kengashi kotibiyati matbuot xizmati.
Bizni kuzatishda davom eting👇
Telegram | Facebook | E-Kengash | Instagram | YouTube