Xalq deputatlari Pastdarg‘om tumani Kengashi doimiy komissiyalari hamda hamkor tashkilotlar o‘rtasida tizimli hamkorlik yo‘lga qo‘yilgan.
Mahalliy budjet, tadbirkorlikni rivojlantirish va iqtisodiy islohotlar bo‘yicha doimiy komissiya a’zosi F. Islomova o‘ziga biriktirilgan hamkor tashkilot — Pensiya jamg‘armasi rahbari bilan uchrashib, tashkilot faoliyati va aholi murojaatlari bilan ishlash holatini muhokama qildi.
Uchrashuv davomida fuqarolar murojaatlarini kamaytirish, ularning muammolarini o‘z vaqtida aniqlash va joyida hal etish bo‘yicha amalga oshirilayotgan ishlar o‘rganildi.
Shuningdek, murojaatlarning kelib chiqish sabablarini tahlil qilish, fuqarolarga ko‘rsatilayotgan xizmatlar sifatini oshirish hamda muammoli masalalarning takroriy murojaatlarga sabab bo‘lishining oldini olish yuzasidan fikr almashildi.