Oʻzbekiston Respublikasi Oliy Majlis Senatining tavsiyasiga koʻra, aholi turmush sifatini oshirish va hududlarni obodonlashtirishga qaratilgan 24 ta ustuvor yoʻnalish boʻyicha tizimli nazorat tadbirlari davom etmoqda.
Ushbu yoʻnalishlardan biri — shahar hiyobonlari hamda istirohat bogʻlarining bugungi holati, ulardagi tozalik darajasi va fuqarolarning mazmunli hordiq chiqarishlari uchun yaratilgan sharoitlarni baholashdan iborat.

Deputat Abdujabbor Djurayev boshchiligida "Bolajon" hiyobonida navbatdagi nazorat-tahlil tadbiri oʻtkazildi. Monitorig davomida quyidagilarga alohida urgʻu berildi:
🧹Hiyobon hududining ozodaligi va chiqindilarni oʻz vaqtida olib chiqib ketilishi.
🌳Daraxt va gulzorlarning parvarishi, sugʻorish tizimlarining sozligi.
🎠Bolalar attraktsionlari va oʻyingohlarning xavfsizlik talablariga javob berishi.
💡Tungi yoritish tizimlari, oʻrindiqlar va aholi dam olishi uchun yaratilgan boshqa maishiy sharoitlar.
"Hiyobonlarimiz nafaqat shahar koʻrk, balki oilalar va ayniqsa, bolajonlarimiz xavfsiz hamda mazmunli hordiq chiqaradigan asosiy maskandir. Bu yerda har bir fuqaro oʻzini qulay va xotirjam his etishi lozim."

Oʻrganishlar yakunida aniqlangan kamchiliklarni bartaraf etish hamda hiyobon faoliyatini yanada takomillashtirish boʻyicha masʼul mutasaddi tashkilotlarga tegishli tavsiya va koʻrsatmalar berildi va deputatning muammolarni qayd qilish jurnaliga kiritildi hamda ijro nazoratiga olindi.