#_deputat_faoliyati
#_24_ta_masala
“Yangi O‘zbekiston” qiyofasidagi Tortuli mahallasida bunyodkorlik ishlari ko‘zdan kechirildi

Xalq deputatlari Sariosiyo tumani Kengashi deputati, tuman hokimi Odiljon Yaqubov tomonidan “Yangi O‘zbekiston” qiyofasidagi Tortuli mahallasida amalga oshirilayotgan bunyodkorlik va qurilish ishlari joyiga chiqib o‘rganildi.

O‘rganish davomida yangi mahalla binosi qurilishini jadallashtirish, biriktirilgan tashkilotlar zimmasiga yuklatilgan vazifalarni belgilangan muddatlarda va sifatli yakunlash, ichki ko‘chalarni namunali ko‘rinishga keltirish hamda hududda olib borilayotgan obodonlashtirish ishlarining borishi muhokama qilindi.

Shuningdek, amalga oshirilayotgan ishlarning sifati va bajarilish sur’atlari tanqidiy tahlil qilinib, mas’ullarga qurilish hamda obodonlashtirish ishlarini belgilangan muddatlarda, sifat talablariga to‘liq rioya etgan holda yakunlash, aniqlangan kamchiliklarni zudlik bilan bartaraf etish hamda Tortuli mahallasini “Yangi O‘zbekiston” qiyofasiga munosib namunali hududga aylantirish yuzasidan aniq topshiriqlar berildi.