Qaraózek rayonı A.Dosnazarov awıl puqaralar jıyını aymaǵında Xalıq deputatları Qaraózek rayonlıq Keńesi 10-"A.Dosnazarov" saylaw okruginen deputat S.Íqlasov máhálle hám rayonlıq mákemeler wákilleri menen birgelikte aymaq turǵınları qatnasında ushırasıw ótkerdi. Ushırasıwda jańadan qabıl etilgen nızam hám qararlar, aymaqtı rawajlandırıw baǵdarında ámelge asırılıp atırılǵan jumıslar haqqında toqtalıp ótildi. Bunnan soń saylawshılardıń múrájat hám usınısın deputatlıq qadaǵalawǵa alıp, máhálle wákilleri menen birgelikte aldaǵı wazıypalar belgiledi. Bunnan soń deputat S.Xalmuratov máhálle wákilleri menen birgelikte A.Dosnazarov awıl puqaralar jıyınında saylawshılar menen ushırasıwda Tań juldızı kóshesine taza ishimlik suwın tartıw boyınsha «Qaraqalpaq suw támiynatı» JShJ Qaraózek rayonlıq filialına deputatlıq soraw jollanǵan edi. Múrajattıń orınlanıwı boyınsha búgingi kúnde ámelge asırılǵan jumıslar boyınsha úyreniw jumısların alıp bardı.