Xalq deputatlari Pastdarg‘om tumani Kengashi deputati faoliyatining eng muhim yo‘nalishlari bo‘yicha Tavsiyalarning 24-bandi ijrosini ta’minlash maqsadida deputat A. Turdiqulov tomonidan Baxshiboyi mahallasida o‘rganish olib borildi.
Navbatdagi sessiya kun tartibiga kiritilgan sug‘oriladigan maydonlar unumdorligini oshirish, meliorativ holatni yaxshilash, suv ta’minotini yaxshilash hamda qishloq xo‘jaligida resurs tejovchi zamonaviy sug‘orish texnologiyalarini joriy etish bo‘yicha belgilangan vazifalarning ijrosi joyiga chiqib o‘rganildi.
Mahalladagi 11 ta ko‘chadan biri — 10-ko‘cha, Darxon ko‘chasida ko‘chaboshi D. Qarayev bilan suhbatlashilib, mazkur yo‘nalishdagi mavjud holat va muammolarga alohida e’tibor qaratildi.
🔹 O‘rganish davomida hududdagi suv ta’minoti, sug‘orish imkoniyatlari va qishloq xo‘jaligida suvdan samarali foydalanish masalalari yuzasidan fikr almashildi.