Xalq deputatlari Sardoba tumani Kengashi bosh mutaxassislari L.Toshquvvatov va S.Nomozov hamda tuman deputati B.Bekmurodov tomonidan Yangiqishloq mahalla fuqarolar yig‘inida aholi bilan uchrashuv o‘tkazilib, fuqarolarni qiynayotgan mavjud muammolar joyiga chiqqan holda o‘rganildi.
Uchrashuv davomida aholi tomonidan kommunal xizmatlar, ichimlik suvi, elektr ta’minoti, yo‘l infratuzilmasi, obodonlashtirish va ijtimoiy sohalarga oid qator masalalar yuzasidan bildirilgan taklif hamda murojaatlar tinglandi. Har bir murojaat yuzasidan mas’ul tashkilotlar ishtirokida atroflicha muhokama o‘tkazildi.
Shuningdek, aniqlangan muammolarni hal etish bo‘yicha mas’ul idoralar bilan hamkorlikda amaliy chora-tadbirlar belgilab olinib, ijrosini ta’minlash yuzasidan tegishli tavsiya va topshiriqlar berildi.
Ta’kidlanganidek, aholi murojaatlarini joyida o‘rganish, fuqarolarni o‘ylantirayotgan masalalarga tezkor va samarali yechim topish hamda davlat organlari bilan aholi o‘rtasida ochiq muloqotni ta’minlash ustuvor vazifalardan biri hisoblanadi.