Mahalliy Kengash deputati faoliyatining eng muhim yo‘nalishlari bo‘yicha 24 ta yo‘nalish tavsiyalari ijrosi doirasida Xalq deputatlari Chilonzor tumani Kengashi deputati, XDP a’zosi Ahmedov Shuxrat Murotovich o‘z saylov okrugi hududida boshqaruv kompaniyalari faoliyati samaradorligini o‘rgandi.
O‘rganish jarayonida ko‘p qavatli uylarning atrof hududlari obodonchiligi, sanitariya-tozalik holati, tungi yoritish tizimlari hamda aholi uchun yaratilgan shart-sharoitlar joyiga chiqib ko‘zdan kechirildi.
Shuningdek, boshqaruv kompaniyalari tomonidan amalga oshirilayotgan ishlar tahlil qilinib, aniqlangan kamchiliklarni bartaraf etish, hududlarda tozalikni ta’minlash, yoritish tizimlarini yaxshilash hamda aholiga ko‘rsatilayotgan kommunal xizmatlar sifatini oshirish yuzasidan tegishli tavsiyalar berildi.
Deputat tomonidan bu kabi o‘rganishlar aholi uchun qulay va xavfsiz yashash muhitini yaratish, boshqaruv kompaniyalari faoliyati ustidan jamoatchilik nazoratini kuchaytirish hamda mavjud muammolarni tezkor bartaraf etishga xizmat qilishi ta’kidlandi.