#doimiy_komissiya

Xalq deputatlari Toshkent viloyati Kengashining Agrar, qurilish, kommunal sohalar, ekologiya, sanoat, transport va suv xo‘jaligi masalalari bo‘yicha doimiy komissiyasining navbatdagi yig‘ilishi bo‘lib o‘tdi.

Yig‘ilish kun tartibiga muhim masalalardan biri sifatida o‘zboshimchalik bilan egallab olingan yer uchastkalari hamda ularda qurilgan bino va inshootlarga bo‘lgan huquqlarni e’tirof etish jarayonlarining holati kiritildi. Mazkur masala yuzasidan Davlat kadastrlari palatasi Toshkent viloyati boshqarmasi boshlig‘i J.Axrorov axborot berib, amaldagi qonunchilik asosida olib borilayotgan ishlar, murojaatlarni ko‘rib chiqish tartibi, hujjatlashtirish jarayonlari hamda mavjud muammolar haqida batafsil ma’ruza qildi.

Ma’ruzada viloyat hududlarida o‘zboshimchalik bilan egallangan yer maydonlari va ularda barpo etilgan obyektlarni qonuniylashtirish bo‘yicha amalga oshirilayotgan ishlar, fuqarolarning mulkiy huquqlarini ta’minlash, yer munosabatlarini tartibga solish hamda kadastr hujjatlarini rasmiylashtirish bilan bog‘liq masalalar yuzasidan ma’lumotlar taqdim etildi.

Muhokamalar davomida doimiy komissiya a’zolari tomonidan sohaga oid qator savollar o‘rtaga tashlanib, aniqlangan muammolarni bartaraf etish, hujjatlarni rasmiylashtirish jarayonlarini soddalashtirish, fuqarolarga qulaylik yaratish hamda qonunchilik talablarining ijrosini ta’minlash yuzasidan taklif va tavsiyalar bildirildi. Yig‘ilish yakunida kun tartibidagi masala yuzasidan tegishli qaror va tavsiyalar qabul qilindi.

📱 Telegram 📱 Instagram 📱 Facebook