Uchrashuvlar davomida fuqarolarni qiynab kelayotgan muammolar, mahalla infratuzilmasini yaxshilash, yoshlar bandligini ta’minlash, ijtimoiy masalalar hamda aholi farovonligini oshirishga qaratilgan taklif va murojaatlar tinglandi.

 Shuningdek, Samarqand shahar 1-son Ichki ishlar bo‘limi boshlig‘i ishtirokida jinoyatchilik va huquqbuzarliklarning oldini olish, jamoat xavfsizligini ta’minlash hamda fuqarolar osoyishtaligini mustahkamlash masalalariga bag‘ishlangan yig‘ilish o‘tkazildi.

 Yig‘ilishda mahallalarda profilaktik tadbirlarni kuchaytirish, yoshlar o‘rtasida huquqbuzarliklarning oldini olish, fuqarolarning huquqiy madaniyatini yuksaltirish va xavfsiz muhitni yaratish bo‘yicha amalga oshirilayotgan ishlar muhokama qilindi.

 Fuqarolar tomonidan bildirilgan taklif va murojaatlar yuzasidan mas’ullarga tegishli topshiriqlar berilib, mavjud muammolarni bartaraf etish bo‘yicha amaliy choralar belgilandi.

 Aholi bilan ochiq muloqot va hamkorlikda olib borilayotgan bunday uchrashuvlar hududlarda tinchlik-osoyishtalikni mustahkamlash, jinoyatchilikning oldini olish hamda fuqarolarning hayot sifatini yaxshilashga xizmat qilmoqda.