Bugun O‘zbekiston Nogironlar jamiyati Sardoba tuman hududiy bo‘linmasi tomonidan aholining ehtiyojmand qatlamlarini qo‘llab-quvvatlashga qaratilgan navbatdagi xayriya tadbiri tashkil etildi.

Tadbirda Sardoba tumani hokimi, deputat Ziyadulla Karimov, va Xalq deputatlari Sardoba tumani Kengashi kotibiyat mudiri Q.O'tayevlar hamkorligida hamda O‘zbekiston nodavlat notijorat tashkilotlari milliy assotsiatsiyasining Sirdaryo viloyati hududiy bo‘linmasi rahbari A. I. Irismetov ishtirok etdilar.

Mazkur tadbir yurtimizda ilgari surilayotgan insonparvarlik siyosati asosida joylarda amalga oshirilayotgan ezgu ishlarning uzviy davomi hisoblanadi. Xususan, nogironligi bo‘lgan shaxslarga g‘amxo‘rlik ko‘rsatish, ularning hayot sifatini yaxshilash va ijtimoiy faolligini oshirish bugungi kunning ustuvor vazifalaridan biridir.

Tadbir doirasida Fuqarolik jamiyati institutlarini qo‘llab-quvvatlash jamoat fondining moliyaviy ko‘magi asosida nogironligi bo‘lgan fuqarolarga amaliy yordam ko‘rsatildi

Shuningdek, santexnika, elektr va payvandchilik kabi kasblarni egallagan nogironligi bo‘lgan shaxslarga o‘z mehnat faoliyatini yanada rivojlantirishlari uchun zarur asbob-uskunalar topshirildi. Bu esa ularning bandligini ta’minlash va mustaqil daromad topish imkoniyatlarini kengaytirishga xizmat qiladi.